إجابات سريعة عن التوصيل والدفع والمقاسات والاستبدال. لو عندك سؤال تاني، ابعتلنا على hello@jivvio.com.
الأسئلة الشائعة
كام يوم التوصيل؟
كل تيشيرت بيتطبع مخصوص لطلبك، فاحسبها 2–5 أيام عمل في القاهرة الكبرى و3–7 أيام عمل في باقي المحافظات. أيام العمل من الأحد للخميس.
مصاريف التوصيل كام؟
80 جنيه في القاهرة الكبرى، 90 جنيه لإسكندرية والدلتا ومدن القناة، 125 جنيه للصعيد، و185 جنيه للأقصر وأسوان والبحر الأحمر ومطروح وسيناء والوادي الجديد. والتوصيل مجاني للطلبات من 1,999 جنيه أو أكتر.
ينفع أدفع كاش عند الاستلام؟
أيوه. اختار الدفع عند الاستلام في صفحة الدفع، وادفع للمندوب لما الطلب يوصلك.
أختار مقاسي إزاي؟
افتح دليل المقاسات في صفحة أي منتج، أو شوف دليل المقاسات. افرد تيشيرت بتحبه، قيسه وقارنه بالجدول. لو بين مقاسين، خد الأكبر عشان يبقى أوسع.
ينفع أبدّل أو أرجّع التيشيرت؟
لو التيشيرت وصلك فيه عيب في الطباعة أو التصنيع، أو تالف، أو مش اللي طلبته، ابعتلنا على hello@jivvio.com خلال 14 يوم من الاستلام مع صور، وهنستبدله أو نرجعلك فلوسك. مش بنقدر نبدّل مقاس أو لون انت اخترته، فاتأكد من دليل المقاسات الأول. اقرأ سياسة الاستبدال والاسترجاع كاملة.
ينفع ألغي الطلب؟
أيوه، طالما لسه ما دخلش الطباعة. ابعتلنا على hello@jivvio.com في أسرع وقت.
أغسل التيشيرت إزاي؟
اقلبه على الوش التاني واغسله بمية باردة (30 درجة بحد أقصى). من غير كلور ولا مجفف، وماتكويش على الطبعة مباشرة.
أتواصل معاكم إزاي؟
ابعتلنا على hello@jivvio.com أو كلمنا على إنستجرام @jivvioofficial.